الشاورما غير قابلة للتجنيس !.

ترجع أصول كلمة شاورما إلى اللغة التركية، وخاصةً إلى منطقة أناطوليا في تركيا، حيث اخترعها التركي (  قدير نورمان) ، وتعني الدوران نسبةً إلى دوران السيخ على النار، وهي لحم مشوي بطريقة تعتمد على الحرارة، والإشعاع الناتجة من مصدر كهربائي أو من الفحم، أو من الغاز.

الشاورما أو الدونر كباب هي تركيّة الأصل تم إعدادها من قبل شخص تركي قام بوضع رقاقات اللّحم مرصوصة في سيخ معدني طويل مضيفاً إليها بهارات خاصة ، وتمّ تعريضها للحرارة المباشرة حيث يكون السّيخ قابلاً للدوران ليتحمر بأكمله ويكون جاهزا للأكل .

لهون شو فهمنا أنو هالأكلة ( تركية المنشأ ) ما لفتني وفي زيارتي إلى معرض دمشق الدولي وجود مطعم شاورما يقدم نفسة بهذة التسمية ( شاورما كروستي  الشركسية ) ؟

كيف ظبطيت معكون هي ؟

بتقدرو تفهمونا ؟

يعني صارت الشاورما أكلة شركسية ، ولا جنستوها أنتو ؟

وأنا حسب معلوماتي المتواضعة عن القومية الشركسية أنو أشهر أكلاتون هية ( الحلفا – والشيبس باصطا  واللاا قوم ) .

وعلى راسنا ومن ثم عيونا كل الشركس وأكلاتون بس يسمحولنا فيها للشاورما أنو هي حتى بالأساس ليست من الأكلات العربية .

بعدين يا حبايب القلب والله هلق مو وقتا وخاصةً ببلدنا نقعد نعمل ( شاورما شركسية – ولا صفيحة أرمنية – ولا كولندي كردي – ولا بدنا نفوت بمناطقية  الأطعمة  ) .

ما صدقنا بلشنا نخلص من هالأرف اللي صرلوا سبع سنين عم ينخر بربنا تجو أنتو تعملولي فيها شاورما شركسية خليكون بالجبنه تبعكون والله كتير طيبة وبينرفع الراس فيها .

ما بدنا زعل الله يخليكون يا أخواتنا الشركس اقبلوها من أخوكم وسمحولنا فيها .