رمضانيات شاميّة ـ “ كرات البطاطا بالصلصه البيضاء ” ـ .. مع الأستاذة خلود بزرتو
#سفيربرس
كان النبي عليه الصلاة والسلام إذا دخل العشر الأواخر من رمضان يشد مئزره ويحيي ليله ويوقظ أهله ..
شد المئزر كناية عن الأستعداد للعبادة والأجتهاد أكثر من المعتاد بغير أيام .
أيقظ أهله حثهم على العباده وقلة النوم لاغتنام هذه الأيام الفضيله .
وجعلت ليلة القدر بالعشر الأواخر دون تحديد ليزداد المؤمن تحريا”لها طيلة أيام العشر وهي خير من ألف شهر بالثواب من رب العالمين .
معنا اليوم السيدة الدمشقيه الأصيله والجميله *باسمة الرفاعي *
حيث حقدمت لنا أكلة مميزة ولذيذه *كرات البطاطا بالصلصه البيضاء *
استمع للوصفة بالصوت:
💥المقادير 💥
بصل وصدورة دجاج
وتوم وبهار ماجي وملح وفلفل وبهارات مشكلة
وجزر وفليفلة ملونة وفطر ودرة وبطاطا
خليط البشاميل أو كريمة الطبخ
🌴الطريقه 🌴
نقلي بصلة ناعمة مع صدر جاج مقطع بالطول مع سنين ثوم صغار مدقوقين مع ملح وفلفل أسود وماجي وبهارات مشكلة
ثم بنزل الجزر مقطع كمان بالطول ونصع نص كاسة مي صغيرة وبغطين وبعدين بنزل الفطر والدرة والفلفلية الملونة وإذا ماعندك بيكفي فليفلة خضرا وبتركن خمس دقايق عالنار وبطفي تحتن ،،،
بعدين بعمل صوص البشاميل وبحط عليه فنجان صغير كريمة أومعلقتين جبنة سائلة ،، بكون سالقة بطاطا مع مي وملح وثم نضيف معن معلقة كبيرة زبدة وبعجنن مع فلفل .. أول شي بحط بالبيركس الجاج مع الخضرا وبعدين بكور البطاطا وآخر شي بحط الصوص شوي شوي وآخر طبقة جبنة موتزاريلا
بشغل الفرن من تحت ومن فوق عشر دقايق لتتحمر .
صحة وألف وهنا
🙏دعاء اليوم 🙏
اللهم ياخير الرازقين ، وياخير الفاتحين والغافرين ، وياخير المحسنين ، اجعل أمري وأمر أحبتي كله خير ، سبحان الذي إذا ذكرته ذكرك ، إن شكرته زادك ، وإن توكلت عليه كفاك .
# سفيربرس ـ الأستاذة خلود بزرتو ❤
