ما بيتوب .. بقلم : عاطف إبراهيم صقر
#سفيربرس
إعلان
كيف الحلا كلو انسكب
كيف الشفق بيدوب
لما على شفاف المسا
بيخربش المحبوب
كيف الشمال بهيبتو
بيحب يسري جنوب
وكيفك يا فلقة زنبقه
يا حاجب المشطوب
لا تشرقي من مطلعك
خلي الزمان غروب
خلي الحكي يخلق لحن
يخلق قصب مطروب
خلي الخمر تضرب خصر
عقلو سلف مضروب
قولك نفعنا بالهوى
خوخ ودبس خرنوب
ولا انرسم ع جبينا
حرقه وقهر مكتوب
يا صوت نصك صدى
والنص نصو ذنوب
من جانبو فرحة وهم
من جانبو مرهوب
حبي يا حلوه واعشقي
ال بيحب ما بيتوب
حبي يا حلوه واعشقي
ال بيحب ما بيتوب
#سفيربرس _. بقلم : عاطف إبراهيم صقر
إعلان